இந்தியாவின் கோல்கட்டாவை சேர்ந்த அனுரூப்- சகாரிகா தம்பதியர் தற்போது நோர்வே நாட்டில் வசித்து வருகின்றனர்.

இவர்களுக்கு அபிஞான், ஐஸ்வர்யா என்ற குழந்தைகள் உள்ளனர். இந்த பெற்றோர், குழந்தைகளை சரியாக பராமரிக்கவில்லை எனக் கூறி இரண்டு குழந்தைகளும் கடந்த 10 மாதங்களாக குழந்தைகள் நோர்வே நல சேவை மையத்தில் தங்க வைக்கப்பட்டுள்ளனர்.

பெற்றோரிடமிருந்து குழந்தைகளை பிரித்து வைத்துள்ளதற்கு இந்திய அரசின் சார்பில் அதிருப்தி தெரிவிக்கப்பட்டது. இதனைத் தொடர்ந்து குழந்தைகளின் உறவினர்கள் தங்களிடம் ஒப்படைக்கும் படி கோரினர்.

இந்நிலையில் குழந்தைகளை கணவரது உறவினர்களிடம் ஒப்படைப்பதில் சகாரிகாவுக்கு உடன்பாடில்லை என கூறப்பட்டது. இதற்கிடையே குழந்தைகளை உறவினர்களிடம் ஒப்படைப்பதில் உடன்பாடு எட்டப்பட்டுள்ளதாகவும், இந்த தகவலை நீதிமன்றத்தில் தெரிவித்துள்ளதாகவும் சேவை மையம் கூறியுள்ளது.

எதிர்வரும் ஏப்ரல் மாதம் 17ம் திகதி இந்த வழக்கு தொடர்பாக நீதிமன்றம் தீர்ப்பு கூறியதும் குழந்தைகள், உறவினர்களிடம் ஒப்படைக்கப்பட உள்ளனர்.