சிரியாவில் ஜனாதிபதி பஷர் அல் அசாத்துக்கு எதிராக கிளர்ச்சியாளர்கள் இரண்டு ஆண்டுகளாக போராடி வருகின்றனர்.

அசாத் பதவி விலகாததால் போராட்டக்காரர்களுக்கு அமெரிக்கா ஆயுத உதவி அளிக்கிறது.

இதனால் சிரியாவில் தொடரும் சண்டையில் இதுவரை 60 ஆயிரத்துக்கும் அதிகமானவர்கள் பலியாகியுள்ளனர்.

ஐந்து லட்சம் பேர் அகதிகளாக அண்டை நாடுகளில் தஞ்சம் புகுந்துள்ளனர். எல்லைபுற நகரங்களை கிளர்ச்சியாளர்கள் தங்கள் வசம் வைத்துள்ளனர்.

இதை மீட்க அரசு படைகள் கடும் தாக்குதலை நடத்தி வருகின்றநிலையில் பராக் என்ற இடத்தில் இராணுவ தொழிற்சாலை மீது வெடிமருந்து நிரப்பப்பட்ட வாகனம் மோதியதில் அங்கிருந்த தொழிலாளர்கள் உள்பட 55 பேர் பலியாயினர்.

இரண்டு நாட்களுக்கு முன் இந்த சம்பவம் நடந்ததாக பிரிட்டனை சேர்ந்த சர்வதேச பார்வையாளர் தெரிவித்து உள்ளார்.