இந்தியாவின் ஆந்திர மாநிலத்தைச் சேர்ந்தவர் வெங்கட் ரெட்டி(வயது 47). இவர் அமெரிக்காவின் ஓஹியோ பகுதியில் மதுபான கடை ஒன்றை நடத்தி வந்தார்.

கடந்த டிசம்பர் மாதம் 29ஆம் திகதி அவர் வீடு திரும்பாததால், அவருடைய மனைவி மறுநாள் அதிகாலையில் கடைக்குச் சென்று பார்த்திருக்கிறார்.

அங்கு அவருடைய கணவர் காயங்களுடன் இறந்து கிடந்ததை பார்த்து அதிர்ச்சி அடைந்து, பொலிஸூக்குத் தகவல் தெரிவித்துள்ளார்.

உடனே சம்பவ இடத்துக்கு விரைந்த பொலிஸார் அவருடைய உடலை பிரேதப் பரிசோதனைக்காக மருத்துவமனைக்கு அனுப்பி வைத்தனர்.

உயிரிழந்த வெங்கட் ரெட்டியின் உடலில் பலத்த காயங்கள் இருந்ததால் அவரை யாரோ சிலர் தாக்கிக் கொன்றிருக்கக் கூடும் எனக் கருதுகிறோம், குற்றவாளிகள் குறித்து தொடர்ந்து விசாரணை நடைபெற்று வருகிறது என்று பொலிசார் தெரிவித்துள்ளனர்.