அமெரிக்க முன்னாள் ஜனாதிபதி பில் கிளிண்டனின் மனைவியும், தற்போதைய வெளிவிவகாரத்துறை அமைச்சருமான ஹிலாரி கிளிண்டன்(வயது 65) கடந்த மாதம் வயிற்றுப்போக்கால் பாதிக்கப்பட்டார்.

இதற்கிடையே அவர் மயக்கமடைந்து விழுந்ததால், வலது கால் பகுதிக்கு அருகே உள்ள கபால பகுதியில் அடிபட்டது.

இதன் மூலம் மூளைக்கும், மண்டை ஓட்டுக்கும் இடைப்பட்ட பகுதியில் ரத்த உறைவு ஏற்பட்டது. இதற்காக அவர் நியூயார்க்கில் உள்ள பிரபல மருத்துவமனையில் அனுமதிக்கப்பட்டுள்ளார்.

மேலும் ரத்த உறைவை தடுக்கும் சிகிக்சை அளிக்கப்பட்டு, அவரது உடல்நிலை தொடர்ந்து கண்காணிக்கப்பட்டு வருகிறது. விரைவில் அவர் பூரண குணம் பெறுவார் என மருத்துவர்கள் உறுதியளித்து உள்ளனர்.

இந்நிலையில் ஹிலாரி கிளிண்டனின் பதவிக்காலம் இந்த மாதத்துடன் முடிவடைகிறது. அடுத்த வெளிவிவிவகாரத்துறை அமைச்சர் ஜான் கெர்ரி நியமிக்கப்பட உள்ளார்.