மனித உரிமைகளை மீறும் ரஷ்யர்களை தண்டிக்கும் வகையில் அமெரிக்காவில் சமீபத்தில் சட்டம் இயற்றப்பட்டது.

இதற்கு பதிலடியாக ரஷ்ய அரசு தற்போது புதிய சட்டத்தை கொண்டுவந்துள்ளது. இதில் ரஷ்ய குழந்தைகளை தத்தெடுக்க அமெரிக்கர்களுக்கு தடை விதிக்கப்பட்டுள்ளது.

மேலும், அமெரிக்க நிதியுதவியுடன் செயல்படும் தன்னார்வ தொண்டு நிறுவனங்களையும், ரஷ்யர்களை தொல்லைப்படுத்தும் விதத்தில் செயல்படும் அமெரிக்கர்களையும் ரஷ்யாவுக்குள் அனுமதிப்பதில்லை என்றும் கூறப்பட்டுள்ளது.

இந்நிலையில் இந்த சட்டம் நேற்று முதல் அமுலுக்கு வந்துள்ளது. இதனால் அமெரிக்காவுடனான உறவு மேலும் மோசமடையும் என பல்வேறு தரப்பினர் புடினுக்கு எதிர்ப்பு தெரிவித்து வருகின்றனர்.

இதற்கிடையே வருகிற 13ஆம் திகதி மாஸ்கோவில் பிரமாண்ட பேரணி நடத்தவும் திட்டமிட்டுள்ளனர்.