2011ம் ஆண்டு சூலை மாதம் தலைநகர் ஒஸ்லோவில் பிரதமர் அலுவலகத்தை குறி வைத்தும் அரசாங்க கட்டிடத்தின் மீதும் ப்ரவீக், நடத்திய கார் குண்டுத் தாக்குதலில் 8 பேர் கொல்லப்பட்டனர்.

அதன்பின்னர், யுதோயா தீவில் உள்ள இளைஞர் முகாமில் பொலிஸ் வேடத்தில் புகுந்து துப்பாக்கிக்சூடு நடத்தியதில் 69 பேர் பலியாகினர்.

இதுதொடர்பான வழக்கு நேற்று ஒஸ்லோ நீதிமன்றத்தில் நடைபெற்ற போது, தான் நடத்திய தாக்குதலில் முழு நோர்வே அரசாங்கத்தையும் கொல்வது என திட்டமிட்டிருந்ததாக தெரிவித்தார்.

அத்துடன் முன்னாள் பெண் பிரதமரான கிறோ ஹார்லெம் புரூன்ட்லண்டை பிடித்து அவரை சிறைச்சேதம் செய்து அக்காட்சியை இணையத்தில் வெளியிடத் திட்டமிட்டிருந்ததாகவும் ப்ரவீக் கூறினார்.

மேலும் தான் விளையாடிய 'கோல் ஒவ் டியூட்டி' மற்றும் 'மொடர்ன் வோர்பெயார்' ஆகிய வீடியோ கேம்கள் துப்பாக்கிச்சூடு தாக்குதலுக்கு பயிற்சியாக அமைந்ததாகவும் அவர் தெரிவித்தார்.

இந்நிலையில் குற்றவாளி ப்ரவீக்கு 21 ஆண்டு சிறை தண்டனை விதிக்கப்படும் என எதிர்பார்க்கப்படுகிறது. நோர்வேயில் மரண தண்டனை விதிக்கப்படுவதில்லை என்பது குறிப்பிடத்தக்கது.