அவுஸ்திரேலியாவின் மெல்போர்ன் நகரில் இந்திய பெண்கள் இருவர் பேருந்தில் பயணித்து கொண்டிருந்தனர்.

அப்போது இவர்கள் வைத்திருந்த பை, வெள்ளைகார பெண் ஒருவரின் மீது இடித்து விட்டது.

இதனால் குறித்த பெண், இந்திய பெண்களை கன்னத்தில் அறைந்து, இன ரீதியான வார்த்தைகளால் திட்டியுள்ளார்.

இதனால் பயந்து போன இந்திய பெண்கள் பேருந்திலிருந்து இறங்கி விட்டனர். அதன் பின் அவர்களை பின் தொடர்ந்து வந்த அவுஸ்திரேலிய பெண் தகாத வார்த்தைகளால் திட்டியுள்ளார்.

உடனே, உடன் வந்த மற்றொரு இந்திய பெண் தனது செல்போன் மூலம் பொலிசுக்கு தகவல் தெரிவிக்க முயன்றுள்ளார்.

இதனால் கோபமடைந்த அவுஸ்திரேலிய பெண் செல்போனை கீழே தள்ளிவிட்டு உடைத்துள்ளார். மேலம், நான் டாக்சியில் புறப்பட்டு செல்லும்வரை இதுகுறித்து பொலிசுக்கு தகவல் தெரிவிக்க கூடாது என மிரட்டியுள்ளார்.

இது தொடர்பாக இந்திய பெண்கள் பொலிசில் புகார் செய்துள்ளனர். இவர்களை தாக்கிய அவுஸ்திரேலிய பெண்ணை பொலிசார் தேடி வருகின்றனர்.