அமெரிக்காவில் சமீபத்தில் தொடக்க பள்ளியில் நடந்த துப்பாக்கி சூட்டில் 28 பேர் கொல்லப்பட்டனர்.

இதற்கிடையே நேற்று நியூயார்க்கின் வெப்ஸ்டர் பகுதியில் உள்ள இன்ஜின் நிறுவனம் ஒன்றும், அங்குள்ள வாகனங்களும் தீப்பற்றி எரிவதாகத் தகவல் வந்தது.

இதையடுத்து விரைந்து வந்த தீயணைப்பு வீரர்கள், தீயை அணைக்க தொடங்கினர்.

தீயை கட்டுப்படுத்திக் கொண்டிருந்த தீயணைப்பு வீரர்களை நோக்கி சிலர் திடீரென சுட்டனர். இதில் இரண்டு தீயணைப்பு வீரர்கள் கொல்லப்பட்டனர், சில வீரர்கள் காயமடைந்தனர்.

விசாரணையில், துப்பாக்கியால் சுட்ட நபர்கள் தான் அப்பகுதியில் தீ விபத்தை ஏற்படுத்தி உள்ளது தெரியவந்துள்ளது. இதனை தொடர்ந்து பொலிசார் விசாரணையை தீவிரப்படுத்தி உள்ளனர்.