பிரிட்டனில் பிரிஸ்போல் பகுதியை சேர்ந்தவர் ரொனால்டு ஆல்டோம். இதய நோயாளியான இவர் ஏற்கனவே மாரடைப்பால் பாதிக்கப்பட்டுள்ளார்.

இந்நிலையில் 77 வயதான அவருக்கு திடீரென மீண்டும் நெஞ்சுவலி ஏற்பட்டது. உடனே அவரை மருத்துவமனையில் அனுமதித்தனர்.

அங்கு மருத்துவர்கள் தீவிர சிகிச்சை அளித்தும் அவரது நெஞ்சுவலி குணமாகவில்லை. மாறாக இதயதுடிப்பு அதிகரித்து கொண்டே இருந்தது.

உடனே மருத்துவர்கள் இந்த சிகிச்சையை நிறுத்திவிட்டு மாற்று சிகிச்சை அளித்தனர். அதன்படி இதயத்துக்குள் ஒரு குழாயை செலுத்தி ரத்தக் குழாய்களில் எத்தனாலை செலுத்தினார்.

இதைத்தொடர்ந்து எத்தனாலில் உள்ள ஆல்கஹாலால் இதயத்தில் உள்ள தேவையில்லாத தசைகள் அழிக்கப்பட்டது. இதையடுத்து இதயம் சீராக இயங்க தொடங்கி ஆல்டோம் குணமடைந்தார்.

எனினும் மருத்துவமனையில் தங்கி தொடர்ந்து சிகிச்சை பெற்று வரும் அவரது உடல்நிலையை மருத்துவர்கள் தொடர்ந்து கண்காணித்து வருகின்றனர்.