இதுகுறித்து போக்குவரத்து துறை அமைச்சர் பீட்டர் ராம்சேயர் கூறுகையில், ஜேர்மனியின் பெர்லின் விமான நிலையத்தின் திட்டங்களும், செலவுகளும் அதிகரித்து கொண்டே போவதால், திறப்பு விழா தாமதமாகிறது என்றார்.

மேலும், இரண்டு பில்லியன் யூரோ செலவில் கட்ட திட்டமிடப்பட்ட இந்த விமான நிலையத்துக்கு இதுவரையில் 4.3 பில்லியன் யூரோ வரை செலவாகி உள்ளது.

இருப்பினும் பணிகள் இன்னும் முடிவடையவில்லை. ஏற்கனவே ஒருமுறை திறப்பு விழா ஒத்திவைக்கப்பட்டது.

தற்போதும் தீ விபத்தின் போது முன்னெச்சரிக்கை நடவடிக்கைகள் குறித்த பணிகள் முடிவடையாத காரணத்தினால் ஒத்தி வைக்கப்பட்டுள்ளது என்றார்.

விமானநிலைய கட்டுமானத் திட்டத்தின் மேலாளராக பெர்லின் நகர மேயர் கிளாஸ் வோவெரீட் செயல்படுகிறார்.

ஆனால் அவரிடம் மற்ற மேலாளர்கள் முழுமையான தகவல்களை வழங்குவதில்லை. இந்தத் திட்டத்தின் முக்கியப் பிரச்னையே "அனைத்துத் தகவல்களும் மேற்பார்வையாளர் பார்வைக்கு இன்னும் முழுமையாக வந்து சேரவில்லை" என்பது தான் என்றும் தெரிவித்தார்.