ஓஸ்லோ நகரிலுள்ள நீதிமன்றில் ப்ரவீக் வாக்குமூலம் அளித்துக் கொண்டிருந்த போது, ப்ரவீக்கினால் கொல்லப்பட்ட ஒருவரின் சகோதரர் பாதணியை வீசினார்.

“நீ எனது சகோதரனை கொலை செய்தாய், நரகத்துக்குப் போ” எனக் கூறியவாறு அந்நபர் பாதணியை வீசினார்.

எனினும் அப்பாதணி ப்ரவீக் மீது படாமல் அவரின் வழக்கறிஞர் மீது பட்டது.

இப்பாதணி வீச்சுக்கு நீதிமன்றத்திலிருந்த பலர் கரகோஷம் செய்தனர். எனினும் பொலிஸார் உடனடியாக செயற்பட்டு பாதணி வீச்சுநடத்திய நபரை அங்கிருந்து அப்புறப்படுத்தினர்.

இச்சம்பவம் குறித்து ப்ரவீக் கூறுகையில், எவராவது என்மீது பாதணி வீச்சு நடத்த விரும்பினால் நான் நீதிமன்றத்திற்கு வரும் போது அல்லது நீதிமன்றத்திலிருந்து வெளியேறும் போது அதை வீசுங்கள். எனது வழக்கறிஞர் மீது வீச வேண்டாம் என்றார்.