அவுஸ்திரேலியாவில் குடியுரிமை பெறுவதற்கு கடுமையான சட்டங்கள் விதிக்கப்பட்டுள்ளன. இதே போன்று மாணவர் விசா பெறுவதற்கும் பல விதிமுறைகள் உள்ளன.

படித்து முடித்ததும் அங்கேயே வேலை தேட ஆரம்பித்து விடும் நபர்களுக்கு மாணவர் விசா பலன் அளிக்காது.

இதற்காக அந்நாட்டு பெண்களை போலியாக திருமணம் செய்து குடியுரிமை பெறும் முயற்சியில் ஈடுபடுகின்றனர்.

இதற்காகவே அவுஸ்திரேலியாவின் குயின்ஸ்லாந்தை சேர்ந்த கும்பலொன்று செயல்பட்டு வந்தது கண்டுபிடிக்கப்பட்டுள்ளது.

இதுவரை 50 திருமணங்கள் செய்து விசா பெறுவதற்கான விண்ணப்பங்களை இந்த கும்பல் வினியோகம் செய்ததை அவுஸ்திரேலிய அதிகாரிகள் கண்டுபிடித்துள்ளனர்.

குயின்ஸ்லாந்தை சேர்ந்த ஒரு தம்பதி இதுபோன்ற குற்றச் செயல்களில் ஈடுபட்டு உள்ளதாக புகார் வந்ததையடுத்து குடியுரிமை அதிகாரிகள் விசாரணை மேற்கொண்டனர்.

பின் அந்த தம்பதியினருக்கு சொந்தமான சொத்துக்களை பறிமுதல் செய்ததுடன், அவர்களது வங்கி கணக்குகளையும் அதிகாரிகள் முடக்கியுள்ளனர்.

இவர்கள் வெளிநாட்டு ஆண்களுக்கு, அவுஸ்திரேலிய பெண்களை போலியாக திருமணம் செய்து வைத்து, குடியுரிமை பெறுவதாக அலுவலக அதிகாரிகள் தெரிவித்துள்ளனர்.