அவுஸ்திரேலியாவின் எச்எம்ஏஎஸ் கூனவாரா என்ற கடற்படை ரோந்து கப்பலுக்குள் புகுந்த கொள்ளையர்கள், அங்கிருந்த பாதுகாவலரை தாக்கி கட்டி போட்டு உள்ளனர்.

பின்னர் கப்பலில் ஆயுதங்கள் இருக்கும் பகுதிக்கு சென்று, அங்கிருந்த துப்பாக்கிகள் அனைத்தையும் எடுத்துக் கொண்டு தாங்கள் வந்த படகிலேயே தப்பி சென்றனர்.

இது குறித்து பொலிசார் கூறுகையில், கொள்ளையர்கள் இராணுவத்தினரை போன்று உடை அணிந்து வந்ததாகவும், இக்கப்பலை பற்றிய முழு விவரமும் அவர்களிடம் இருந்துள்ளது என்றும் தெரிவித்துள்ளனர்.

இருப்பினும் இக்கப்பலில் 600க்கும் மேற்பட்ட அதிகாரிகள் பணிபுரிந்து கொண்டிருந்தது குறிப்பிடத்தக்கது.

கொள்ளையர்களால் தாக்கி கட்டி போடப்பட்ட பாதுகாவலர், நீண்ட போராட்டத்துக்குப் பின் தன்னை விடுவித்துக் கொண்டு எச்சரிக்கை ஒலியை எழுப்பியுள்ளார். அதன் பின்னரே அக்கப்பலில் அசம்பாவிதம் நடந்துள்ளது தெரியவந்தது.

நாட்டின் பாதுகாப்புப் பணியில் உள்ள கடற்படையிடமே கொள்ளை நடந்துள்ளது அவுஸ்திரேலியாவில் பரபரப்பை ஏற்படுத்தியுள்ளது.