கடந்தாண்டு ஜூலை மாதம் ஓஸ்லோ மற்றும் உத்தேயா தீவுப் பகுதியில் ப்ரவீக் மேற்கொண்ட தாக்குதல்களில் 77 பேர் கொல்லப்பட்டனர்.

இது தொடர்பான வழக்கு விசாரணையில் ப்ரவீக் மீதான குற்றம் நிரூபிக்கப்பட்டதால், 21 வருட சிறைத்தண்டனை விதிக்கப்பட்டது.

இந்நிலையில் தற்போது சிறையில் அடைக்கப்பட்டுள்ள ப்ரவீக், தனக்கு அடிப்படை மனித உரிமைகள் மறுக்கப்படுவதாக குற்றம் சுமத்தி உள்ளார்.

ப்ரவீக் எழுதியுள்ள கடிதத்தில், தனக்கு வழங்கப்படும் Coffee குளிர்மையாக உள்ளது, பாணுக்கு பட்டர் மிகக் குறைவாக தரப்படுகிறது, கையை கழுவி கொள்ள நீர் வழங்கப்படுவதில்லை, தனக்கு வழங்கப்படும் கையுறை கையைக் கிளிக்கின்றது, சிறைக்குள்ளே உடலை உருக்கும் குளிர், தொலைக்காட்சியோ மின்விளக்கோ சுதந்திரமாக கையாள இயலாத நிலை உள்ளது என்று தெரிவிக்கப்பட்டுள்ளது.

இதற்கிடையே 21 வருடம் சிறைத்தண்டனை அனுபவித்த பின்னர், சமூகத்துக்கு மிகவும் ஆபத்தான நபர் என கருதப்பட்டால் இவரது சிறைத்தண்டனை மேலும் அதிகரிக்கப்படும் என நீதிமன்றம் அறிவித்துள்ளது குறிப்பிடத்தக்கது.