நோர்வேயின் ஆஸ்லோவில் அமைந்துள்ள நாடாளுமன்றம் நோக்கி ஊர்வலம் சென்ற நூற்றுக்கணக்கானோர், உலக நாடுகளுக்கு ஆயுதங்களை விநியோகம் செய்யும் ஐரோப்பிய யூனியனுக்கு அமைதிக்கான நோபல் பரிசை வழங்க கூடாது என முழக்கமிட்டனர்.

மேலும் கடந்த சில ஆண்டுகளாக பொருளாதார நெருக்கடியை சமாளிக்க ஐரோப்பிய யூனியன் அமைப்பு மேற்கொண்டுவரும் நடவடிக்கைகள் சரியல்ல என்றும் போராட்டத்தில் ஈடுபட்டவர்கள் குற்றம்சாட்டினர்.

கடந்த 55 ஆண்டுகள் பழமைவாய்ந்த ஐரோப்பிய யூனியனுக்கு இந்த ஆண்டுக்கான அமைதிக்கான நோபல் பரிசு அறிவிக்கப்பட்டுள்ளது.

இரண்டாம் உலகப்போரின் சமயம் யுத்தங்களின் கண்டமாக இருந்த ஐரோப்பா அமைதியின் கண்டமாக மாறியமைக்காக இந்த பரிசு வழங்கப்படுகிறது.

நோபல் பரிசு வழங்கும் விழா இன்று நடைபெற உள்ள நிலையில் ஐரோப்பிய யூனியன் அமைப்புக்கு எதிராக போராட்டம் தீவிரமடைந்துள்ளது குறிப்பிடத்தக்கது.