கடந்த 9ஆம் திகதியன்று வடக்கு டொரொண்டோவில், ஐக்கியா என்ற அங்காடிக்குள் நுழைந்த குரங்கு குட்டி அட்டகாசம் செய்தது.

உடனடியாக விரைந்து வந்த பொலிசார் குரங்கு குட்டியை பிடித்து, விலங்கு காப்பகத்தில் ஒப்படைத்தனர்.

இந்நிலையில் அதை தன் மகன் போல் வளர்த்ததாக கூறி வரும் யாஸ்மின், தன்னிடமே மறுபடியும் ஒப்படைக்கும் படி டொரொண்டே நீதிமன்றத்தில் வாதாடி வருகிறார்.

இதுகுறித்து யாஸ்மின் அளித்த பேட்டியில், டார்வினை ஒருபோதும் நான் விலங்காக கருதியது கிடையாது. ஒரு மனிதனை போன்றே என்னை புரிந்து கொண்டுள்ளது. நானும் டார்வினை என் மகனாகவே கருதுகிறேன்.

யூடியூப்பில் வெளியிடப்பட்ட காணொளியால் டார்வினுக்கும், எனக்கும் ஆதரவு பெருகி வருகிறது என்று தெரிவித்தார்.

ஆனால் விலங்கியல் நிபுணரான ஆண்டுரூ வெஸ்ட்டோல் கூறுகையில், குரங்கு குட்டியாக இருக்கும் போது குழந்தை போலப் பழகும். ஆனால் அதுவே வளர்ந்துவிட்டால் முரடாகிவிடும்.

அதன் பின் நம்மால் அதை கட்டுப்படுத்த முடியாது. அதன் தேவைகளை நம்மால் புரிந்து கொள்ள இயலாது. எனவே அதை காப்பகத்தில் விடுவதே ஏற்புடையது என்றார்.

மேலும் இவ்வாறு மனிதரிடம் வளரும் குரங்குகள் பெரியதாக வளர்ந்ததும், பலரும் மிருகக் காட்சி சாலைக்கோ ஆராய்ச்சிக் கூடத்துக்கோ கொடுத்து விடுகின்றனர் என்றார்.